Një i burgosur në burgun e Rrogozhinës nuk është rikthyer pas përfundimit të lejes shpërblyese që kishte përfituar. I dënuari kishte marrë leje shpërblyese disa ditë më parë për të kaluar kohë me familjen e tij, dhe më 2 dhjetor ai duhej të rikthehej në qeli për të vijuar vuajtjen e dënimit, duke pasur ende 4 vite të mbetura për të shlyer.
Kur autoritetet shkuan në banesën e tij për të verifikuar rikthimin, nuk e gjetën atje. Familjarët e të burgosurit i informuan se ai nuk ndodhej në shtëpi dhe se, sipas tyre, kishte ikur jashtë vendit.
Ky ishte rasti i tretë që i dënuari përfitonte leje shpërblyese, por për herë të tretë ai nuk është rikthyer në institucionin e vuajtjes së dënimit, siç kishte ndodhur në dy rastet e mëparshme.
