Këshilli i Lartë Gjyqësor (KLGJ) ka vendosur ditën e sotme që ish-gjyqtari i Apelit të Tiranës, Shkëlqim Miri, të dalë përfundimisht nga sistemi i drejtësisë.
Kujtojmë se rasti i Shkëpqim Mirit bëri bujë në media, pasi nga një kontroll që iu bë në shtëpinë e tij, iu gjetën në dhomën e tij të gjumit rreth 300 milionë lekë të vjetra cash, në disa valuta si euro lekë dhe dollarë.
Gjatë asaj periudhe, avokati mbrojtës i Mirit, deklaroi se klienti i tij i kishte marrë ato para hua për tu kuruar.
Ndërkohë Gjykata e Krimeve të Rënda e dënuan ish-gjyqtarin e Apelit të Tiranës me 2.5 vite burg, ndërsa SPAK kërkoi konfiskimin e pasurisë së tij me pretendimin se ishte vënë nga burime të paligjshme.Kësisoj, sot me kërkesë të Inspektoriatit të Lartë të Drejtësisë (ILD), KLGJ vendosi që Shkëlqim Miri të largohet përfundimisht nga sistemi i drejtësisë.
Bëjmë me dije se në nëntor të vitit 2017, Sektori për Hetimin e Korrupsionin në Drejtorinë për Hetimin e Krimit Ekonomik e Financiar, ndaloi ish-gjyqtarin e Gjykatës së Apelit Shkëlqim Miri pasi liroi nga burgu të dënuarin për vrasje Gentjan Doda, kundrejt një ryshfeti prej 30 mijë eurosh./ GazetaReforma.com/
