Afrim Qendro është emëruar prefekt i qytetit të Tiranës. Mësohet se Qendro ka marrë zyrtarisht postin e ri me vendim të këshillit të ministrave, mbledhje e zhvilluar një ditë më parë, dy muaj pasi u largua nga Vlora u mbante detyrën ne nëkryetarit të Bashkisë. Largimi i tij nga Vlora u konfirmua nga vetë Qendro, i cili tha se do të zhvendosej në Tiranë pranë familjes së tij, duke shtuar se detyrën e tij në Vlorë e ka kryer për vite me radhë.
Afrin Qendro ishte emëruar nënkryetar i Bashkisë së Vlorës më 22 korrik të vitit të shkuar. Ai ka qenë më herët edhe kreu i Autoritetit Rrugor Shqiptar.
Kujtojmë që Afrim Qëndro ka mbajtur postin si drejtor i ndërmarrjes së gjelbërimit në Bashkinë e Tiranës.
Në vitin 2002 Afrim Qendro është dënuar dhe arrestuar për hapjen e Digës së Liqenit, që u bë shkak për përmbytjen e gjithë zonës “Tirana e Re”.
Gjithashtu Qendro ka mbajtur postin e drejtorit të ARRSH, nga i cili u shkakrkua pas skandalit me tenderin e “Unazës së Re”, ku rezultoi ‘DH Albania’ tenderin e Unazës së Re e kishte fituar me dokumente të falsifikuara, u anulua edhe tenderi i dytë nga OST. Ndërkohë që prokuroria e Tiranës nisi menjëherë hetimet.
Afrim Qendro është nga Gjirokastra por tashmë mban një nga pozicionet më të rëndësishmë në strukturat e drejtimit të Tiranës.
