Ditën e sotme një 38-vjeçar është vënë në pranga nga forcat e policisë së Dibrës, pasi rezultonte i shpallur në kërkim ndërkombëtar për llogari të shtetit italian. Mësohet se emri i tij është Bledian Salkurti dhe ishte shpallur në kërkim prej disa kohësh nga Interpoli për shkak se Gjykata e Apelit në Venezia, në shtetin fqinj Itali, e ka dënuar me 4 vjet, 11 muaj e 10 ditë burgim shqiptarin për veprat penale Grupi i strukturuar kriminal” dhe Shkelje e ligjit mbi narkotikët”, parashikuar nga Kodi Penal italian.
Njoftimi i policisë DVP Dibër :
Ndalohet me qëllim ekstradimi, 1 shtetas i shpallur në kërkim ndërkombëtar, për veprat penale “Grupi i strukturuar kriminal” dhe Shkelje e ligjit mbi narkotikët”.
Shërbimet e Sektorit për Hetimin e Krimit në DVP Dibër, gjatë ditës së sotme bënë ndalimin, me qëllim ekstradimin drejt Italisë, të shtetasit:
Bledian Salkurti, 38 vjeç, banues në Peshkopi.
Ky shtetas ishte shpallur në kërkim ndërkombëtar, pasi Gjykata e Apelit në Venezia, Itali, e ka dënuar me 4 vjet, 11 muaj e 10 ditë burgim, për veprat penale
“Grupi i strukturuar kriminal” dhe Shkelje e ligjit mbi narkotikët”, parashikuar nga Kodi Penal italian.
Interpol Tirana, në bashkëpunim me autoritetet ligjzbatuese italiane, po vijon procedurat për ekstradimin e këtij shtetasi drejt Italisë.
