Policia Rrugore e Tiranës ka arrestuar një 41-vjeçar të shpallur në kërkim, i dënuar me 5 vite burg nga Gjykata e Apelit për prodhim dhe shitje narkotikësh.
Gjatë kontrolleve në rrugët e kryeqytetit, efektivët e Komisariatit të Policisë Rrugore ndaluan një automjet tip “Volkswagen”, që drejtohej nga Mariglen Abedini.
Pas verifikimeve, rezultoi se ai ishte në kërkim, pasi ndaj tij ishte dhënë një vendim dënimi nga Gjykata e Apelit.
Menjëherë, 41-vjeçari u arrestua nga specialistët për Hetimin e Narkotikëve të Drejtorisë Vendore të Policisë Tiranë, për ekzekutimin e dënimit.
Materialet për këtë çështje i kaluan Prokurorisë së Tiranës për veprime të mëtejshme.
