Gjykata e Fierit ka konfirmuar masën “arrest me burg” për Melisa Hoxhallarin, 29-vjeçaren që u arratis së bashku me të dashurin pas plagosjes së ish-bashkëshortit të saj.
Seanca u zhvillua nën drejtimin e trupës gjykuese të përbërë nga gjyqtari Alfred Konomi, prokurorja Elona Gixhari dhe avokatja Anisa Varfi.
Pas disa javësh në arrati, Hoxhallari u arrestua dhe është transferuar në burgun e Pogradecit, ku do të qëndrojë në pritje të hetimeve të mëtejshme.
Ngjarja që çoi në ndalimin e saj ndodhi pas një konflikti të dhunshëm, ku i dashuri i saj, Klement Beqaj, plagosi me armë zjarri ish-bashkëshortin e saj, me të cilin ajo kishte edhe një fëmijë.
Gjykata vendosi të lërë në fuqi masën e sigurisë së dhënë më herët, ndërsa hetimet për rrethanat e ngjarjes vijojnë.
