Bledar Selmanaj është një ndër autorët kryesor të ekzekutimit të Xhuljano Bullarit në Babicë të Vlorës. Kujtojmë se i burgosuri dhe viktima ishin shokë të ngushtë, ndërsa ajo që u bë e ditur pas ngjarjes së rëndë ishte se autori i vrasjes vuan nga probleme të shëndetit mendor.
Kujtojmë se ngjarja e rëndë ndodhi në gusht të këtij viti, teksa sot i dënuari i këtij krimi, Bledar Selmanaj ka tentuar të arratiset nga efektivët e burgjeve në burgun e sigurisë së lartë në Peqin.
Sipas informacioneve paraprake, bëhet e ditur se autori i vrasjes së Xhuljano Bullarit, Bledar Selamanaj ka tentuar të thyejë sigurinë me qëllim arratisjen e tij, por ajo është parandaluar nga gardianët e burgut, duke mos lejuar që i akuzuari për vrasje mos të kalojë as sektorin ku ai ishte izoluar dhe po mbahej, teksa vuante dënimin për veprën që kishte kryer.
Kujtojmë se pas tragjedisë ku mbeti viktimë Bullari, gjatë hetimeve të kryera, Policia e Shtetit ka zbuluar dhe një kartelë mjekësore, që vërteton se Bledar Selmanaj, është kuruar vazhdimisht për sëmundje depresive. Kjo është aprovuar edhe nga ana e policisë dhe psikologëve të cilët kanë marrë në trajtim të arrestuarin. Selmanaj u burgos pranverën e këtij viti, pas ngjarjes që tronditi Vlorën.
