Gjykata e Posaçme ka shpallur këtë të hënë dënimin për ish-kreun e Kadastrës në Berat, Ervin Nelaj, i cili ka qenë i arrestuar që në muajin janar të vitit 2021 për korrupsion në miratimin e lejeve të ndërtimit në këtë qytet.
Nelaj u dënua me një vit e tetë muaj burg nga Gjykata e Posaçme.
Gjithashtu GJKKO ka denuar me 1 vit e 4 muaj burg Xhekisa Toton, e cila ka ndihmuar Ervin Nelajn ne aktivitetin e paligjshem.
SPAK kerkoi dënimin me 3 vite burg per Ervin Nelajn dhe 2 vite burg per Xhekisa Toton, por GJKKO vendosi ta denoje vetëm 1 vit e 8 muaj burg Nelajn dhe 1 vit e 4 muaj burg Toton.
Pas rreth 9 muaj nën hetim nga strukturat e SPAK në bashkëpunim me policinë e Beratit, u arrestua në janar të këtij viti drejtori i Agjencisë Shtetërore të Kadastrës në këtë qytet Ervin Nelaj.
Ai u arrestua në kuadër të operacionit “Aluizi” pas 9 muajve hetim nga Policia e Berat në bashkëpunim me strukturat e SPAK-ut për të goditur korrupsionin pasiv tek personat që ushtrojnë funksione publike.
Ervin Nelaj, 38 vjeç me banim në Berat, ushtronte detyrën si drejtor i Agjencisë Shtetërore të Kadastrës në Drejtorinë Rajonale Berat.
Sipas informacioneve, autoritetet e Policisë theksonin në kohen kur u arrestua se ky shtetas dyshohet se gjatë ushtrimit të detyrës ka përvetësuar shuma parash nga persona të ndryshëm, me qëllim pajisjen e tyre me dokumentet e lejes së legalizimit.
Njoftimi i Gjykates:
Deklarimin fajtor të të pandehurit Ervin Nelaj për vepren penale “Korrupsioni pasiv i personave qe ushtrojnë funksione publike”, kryer në bashkëpunim dhe në bazë të neneve 259-25 të KP dënimin e tij me 2 vjet e 6 muaj burgim.
Në aplikim të nenit 406, pika 1 të KPRP, të pandehurit i ulet 1/3 e masës së dënimit, për shkak të aplikimi të gjykimit të shkurtuar dhe përfundimisht dënohet me 1 vit e 8 muaj burgim.
Vuajtja e dënimit fillon nga dita e ekzekutimit të vendimit të masës së caktimit të masës së sigurimit datë 26.01.2021 dhe kryhet në një burg të sigurisë së zakonshme.
Në bazë të neit 35/1 të KP i hiqet e drejta për të ushtruar funksione publike për një periudhë prej 5 vjetësh.
Deklarimin fajtor të të pandehurës Xhesika Toto për vepren penale “Korrupsioni pasiv i personave qe ushtrojnë funksione publike”, kryer në bashkëpunim dhe në bazë të neneve 259-25 të KP dënimin e saj me 2 vite burgim.
Në aplikim të nenit 406, pika 1 të KPRP, të pandehurës i ulet 1/3 e masës së dënimit, për shkak të aplikimi të gjykimit të shkurtuar dhe përfundimisht dënohet me 1 vit e 4 muaj burgim.
Vuajtja e dënimit fillon nga dita që vendimi të ketë marë formë të prerë dhe kryhet në një burg të sigurisë së zakonshme.
Në bazë të neit 35/1 të KP i hiqet e drejta për të ushtruar funksione publike për një periudhë prej 5 vjetësh.
