Pasditen e sotme një atentat me pasojë 3 viktima ka ndodhur në Fushë-Krujë.
Viktima e gjetur jashtë makinës është Diklen Vata, ndersa dy të tjerët janë shkrumbuar dhe nuk mund të identifikohen.
Diklen Vata, 30 vjeç është një prej personave të vrarë sot në Fushë-Krujë në një atentat me armë zjarri, ku u vranë dhe 2 persona të tjerë. Vata rezulton person i skeduar nga policia dhe me precedentë penalë.
Ai është arrestuar në shtator të 2017 si shpërndarës kokaine. Vata ishte arrestuar nga shërbimet e policisë të Drejtorisë Vendore Tiranë më datë 27.09.2017, pasi gjatë kontrollit fizik të ushtruar ndaj këtij shtetasi në vendin e quajtur zona e shkollës “Bajram Curri”, iu gjet e fshehur në çorape një mbështjellëse me lëndë narkotike e dyshuar e llojit kokainë, si dhe 3 mbështjellëse të tjera të fshehura në çelësat e makinës, raporton Ballkan Web.
Ndërkohë në vijim policia kishte ushtruar kontroll në banesën e shtetasit Diklen Vata, ku gjatë kontrollit të ushtruar i janë gjetur dhe 18 mbështjellëse të tjera me lëndë narkotike e dyshuar e llojit kokainë. Ndërkohë që shpresa e vetme për zbulimin e identiteteve është viktima që ndodhet jashtë makinës, i cili ka tentuar të largohet kur mjeti është qëlluar me automatik, por vrasësit janë kthyer pas dhe e kanë qëlluar sërish.
