Ish-kreu i PDK-së dhe ish-komandanti i UÇK-së, Kadri Veseli, do të dalë për herë të parë sot para Dhomave të Specializuara në Hagë.
Bëhet me dije se Veseli do të dalë para gjykatësit të procedurës paraprake sot në orën 15:00.
Kujtojmë se Gjykata Speciale është ngritur me mandat dhe votim nga qeveria e Kosovës dhe përbëhet nga një trup i huaj gjykues që heton krimet e luftës në Kosovë.
Ndërkohë përpara trupës gjykuese të Gjykatës Speciale, dolën ish-kryeparlamentari i Kosovës, Jakup Krasniqi dhe ish-presidenti i Kosovës, Hashim Thaçi. Ata i kanë mohuar kategorikisht akuzat ndaj tyre dhe e kanë quajtur padrejtësi arrestimin.
Gjithashtu, në paraburgimin e Hagës është dhe kreu i grupit parlamentar të VV Rexhep Selimi. Selimi ashtu si Veseli e Thaçi, ka qenë pjesë e shtabit drejtues të UÇK-së, ndërsa Jakup Krasniqi ka qenë zëdhënësi i Ushtrisë Çlirimtare të Kosovës (UÇK)./GazetaReforma.com/
