Ashtu siç ishte parashikuar sot hyn në fuqi ligji i ri për të gjithë emigrantët shqiptarë që do të hyjnë për në Greqi. Nga sot ata do të duhet të vetëkarantinohen për 1 javë në shtetin fqinj. Deri më tani kjo është e vetmja masë e re që ka hyrë në fuqi ndërkohë nga nesër priten edhe masat e reja.
Kujtojmë se prej disa ditësh rradha e madhe per të kaluar kufirin grek ka sjell shumë kaos dhe probleme te personat që prisnin në rradhë.Ishte kjo datë, 16 gusht e cila shtyu mijëra emigrantë të nxitonin për t’u dyndur drejt pikave kufitare.
Ndërkohë nga data 17 gusht 2020, nga pika kufitare e Kakavijës do të kenë mundësi të kalojnë vetëm 750 persona në ditë, ndërsa nga ajo e Kapshticës vetëm 300 persona në ditë, në fashën orare 06:00 deri në orën 22:00, konform rregullave të vendosura nga pala greke, si pasojë e situatës së krijuar nga COVID-19.
Në rradhë ka edhe te moshuar e të mitur, ku njëri prej tyre humbi jetën ditën esotme nga një autoambulancë që po transportonte një të sëmurë.
NJOFTIMI I PLOTË:
Ministria për Evropën dhe Punët e Jashtme bën me dije se pas bisedimeve të gjata me palën greke përgjatë këtyre ditëve, në nivelet më të larta me autoritetet e saj, është arritur mirëkuptimi që pika kufitare e Kakavijës të vijojë punën edhe pas orës 22:00. Kufiri do të qëndrojë i hapur vetëm përgjatë natës së sotme duke vijuar me të njëjtat ritme intensive të testimit dhe kalimit të shtetasve të mbetur në rradhë në Kakavijë, deri nesër, e diel, dt.16 gusht 2020, ora 22:00.
Ministria për Evropën dhe Punët e Jashtme njofton të gjithë shtetasit se duke nisur nga nesër dt. 16 gusht 2020 për të gjithë ata shtetas të cilët hyjnë në Greqi do të zbatohet karantinimi i detyrueshëm 7 ditor. Gjithashtu, nisur që nga dita e hënë, dt. 17 gusht 2020, nga pika kufitare e Kakavijës do të kenë mundësi të kalojnë vetëm 750 persona në ditë, ndërsa nga ajo e Kapshticës vetëm 300 persona në ditë, në fashën orare 06:00 deri në orën 22:00, konform rregullave të vendosura nga pala greke, si pasojë e situatës së krijuar nga COVID-19.
