“Edhe një kampione bote si Gjermania mund të përjetojë situata të vështira në futboll, fundja topi është i rrumbullakët…”
Ky është mendimi i analistëve të futbollit në Gjermani, pasi kombëtarja e kësaj të fundit humbi në një miqësore ndaj Spanjës.
Gjithsesi, një humbje më shifra të tilla 6-0, Gjermania nuk e kishte përjetuar që nga viti i largët 1931, në një miqësore kundër Austrisë, ndërsa humbja më e rëndë është ajo kundër Francës 6-3 në Botërorin e vitit 1958.
Turpërimi që i shkaktoi Spanja po bën jehonë në mediat gjermane ku sigurisht nën akuzë ka përfunduar trajneri Joachim Low.
Pikërisht në momentin më delikat që po kalon Low, ku mediat dhe i gjithë ambienti në gjermani kërkojnë shkarkimin e tij, në krahë të trajnerit ka dalë menaxheri i përgjithshëm i përfaqësuesen, Oliver Bierhioff.
Ai ka deklaruar se: “Vazhdojmë të kemi besim tek Joachim Low, nuk ka dyshime mbi këtë pjesë”.
Në përfundim të ndeshjes së fundit në fazën e grupeve në Ligën e Kombeve, ka folur dhe Joachim Low: “Nuk funksioni asgjë, nuk kishim forcë për të reaguar, nuk kishim agresivitet, impenjim në duele, asgjë”,- u shpreh Low.
Diskutimi është ndryshe kur flitet për Spanjën, kjo fitore, në këto shifra, ka bërë që mediat spanjolle të kalojnë me të drejtë në dëlir, një fitore historike që i jep më shumë besim një grupi me elementë të rijnë dhe premtues për të ardhmen.
/GazetaReforma.com/
