Partia Demokratike ka reaguar pas lajmit për humbjen e gjyqit me Francesco Becchettin, të cilit shteti shqiptar i detyrohet tashmë 110 milionë euro. Në një reagim në Facebook PD shkruan se për shkak të arrogancës së Edi Ramësshqiptarët duhet të paguajnë 4560 lekë të reja nga xhepi. Sipas PD është koha për ndryshim dhe këtë do ta vendosin shqiptarët me votën e tyre.
REAGIM I PARTISË DEMOKRATIKE
Edhe në ditën kur i duhet të perballet me dështimin e radhës, Rama nuk bën gjë tjetër vetëm se sulmon PD dhe opozitën.
Shqipëria ngeli në baltë me Ramën për 8 vjet- ky është fakt, sikundër mbetet po fakt që shqiptarët duhet të paguajnë 4560 lekë të reja nga xhepi, këtë herë për shkak të arrogancës së Edi Ramës
Është koha për ndryshim, që Shqipëria të ketë një qeverisje të përgjegjshme. Këtë do ta vendosin shqiptarët me votën e tyre në 25 prill. Ditën kur Rama do të humbë dhe Shqipëria do të fitojë.
Më herët kryeministri Edi Rama tha se ishte e neveritshme fakti që Ilir Meta dhe Lulepartia (duke iu referuar Lulzim Bashës) ishin gëzuar për këtë vendim. Ndërkohë, ai nuk përmendi aspak humbjen në gjyq dhe mënyrën se si do të paguhen këto 110 milionë euro.
