Një ngjarje e rëndë ka ndodhur në Kamëz, ku ambientet e Komisariatit të Policisë Nr. 5 janë përfshirë nga zjarri.
Viktimë e ngjarjes është 26-vjeçari Arben Mici, i cili ishte dënuar më parë për dhunë në familje
Ndërsa në spital janë dërguar D. I., dhe punonjësi i policisë H. B. Deri më tani nuk dihen rrethanat se si shpërtheu zjarri, ndërsa mësohet se zjarrfikëset kanë mundur të neutralizojnë flakët.
Ndërkohë, zjarrfikëset, kanë mundur të neutralizojnë vatrën, ndërsa momentalisht punonjësit e komisariatit po evakuohen nga godina, për shkak të tymit të dendur. Bëhet e ditur se të ndaluarit do të shpërndahen nëpër komisariate të tjera. Grupi hetimor ndodhet në vendngjarje dhe po punon për sqarimin e rrethanave të ngjarjes.
Njoftimi i Policisë së Shtetit:
Tiranë/Informacion paraprak
Më datë 26.03.2022, në Kamzë, në ambientet e Komisariatit të Policisë Nr. 5, në rrethana ende të paqarta, ka rënë zjarr dhe si pasojë janë dëmtuar dhe janë dërguar në spital për ndihmë mjekësore shtetasit e ndaluar A. M., D. I., dhe punonjësi i policisë H. B.
Shtetasi A. M., ka ndërruar jetë në spital.
Me ndërhyrjen e zjarrfikëseve dhe të punonjësve të Policisë të Komisariatit Nr. 5, zjarri u shua.
Grupi hetimor ndodhet në vendngjarje dhe po punon për sqarimin e rrethanave të ngjarjes.
