Amaros Deda është personi i cili u vra ditën e djeshme. Nga informacionet paraprake bëhet me dije se 32-vjeçari dyshohet se është vetëvrarë. Gjithashtu është sekuestruar në cilësinë e provës materiale arma e zjarrit me të cilën dyshohet të jetë kryer vetëvrasja.
Shërbimet e Policisë dhe grupi hetimor menjëherë kanë shkuar në vendngjarje dhe po punojnë për sqarimin e plotë të shkakut dhe rrethanave të ngjarjes. Sakaq 32-vjeçari Amaros Deda kishte precedentë penalë. Ai është arrestuar 10 vite më parë për dhunimin dhe grabitjen e një të moshuare.
Njoftimi i Plotë:
Lezhë/Informacion paraprak Rreth orës 15:15, në rrethana ende të paqarta, dyshohet së është vetplagosur me armë zjarri shtetasi , A.D., banues në Shenkollë, i cili ka ndërruar jetë në spitalin Rajonal Lezhë. Shërbimet e Policisë dhe grupi hetimore menjëherë kanë shkuar në vendngjarje dhe po punojnë për sqarimin e plotë të shkakut dhe rrethanave të ngjarjes. Gjithashtu është sekuestruar në cilësinë e provës materiale arma e zjarrit me të cilën dyshohet të jetë kryer vetëvrasja.
Polica ka shkuar në vendin e ngjarjes dhe po merr në pyetje stafin mjekësor të spitalit të Lezhës për të mësuar më shumë detaje në lidhje me këtë ngjarje të rëndë. Ai mbërriti me shenja jetë në spital e më pas ndërroi jetë.
