Vdekja e nëntetares në Letoni ka shkaktuar jo pak hidhërim, ndërsa ditën e sotme, familjarët më në fund do të kenë mundësi t’i japin lamturën e tyrë vajzës së shtëpisë.
Nëntetarja, Zarife Hasanaj, 32-vjeçe ndërroi jetë ditën e hënë pas shpërthimit të një mine në bazën Adaze në Letoni, ku të plagosur mbetën edhe dy ushtarakë të tjerë.
Sipas njoftimeve zyrtare, trupi mbërrin pak pas mesditë së sotme, konkretisht në orën 12:45 ku do të jetë dhe ceremonia e pritjes së trupit të pajetë të Hasanaj, ndërsa ditën e nesërme nga ora 10-11:30 do të mbahen homazhet në hollin e Pallatit të Kongreseve. Më pas është përcaktuar që në orën 11:45-12:30 të zhvillohet edhe ceremonia shtetërore me pjesëmarrjen e përfaqësuesve të lartë shtetëror.
Zarife Hasanaj humbi jetën gjatë asgjësimit të municioneve dhe lëndëve eksplozive të paplasura, mision ky i vendosur nga NATO.
