Incidenti që pësoi efektivja Ina Nuka, me dëmtimin e gishtave në kohën që ishte në krye të detyrës, mori vëmendjen e të gjithë opinionit publik vitin e kaluar. Pas operacionit prej 7 orësh, duket se policja do të rikthehet sërish në Turqi në muajin shkurt, për të kryer një tjetër operacion për rikuperimin e dëmtimit të gishtave
Gjatë kësaj kohe rehabilitimi, 24-vjeçarja mori mjekim të vazhdueshëm në spitalet e vendit.
“Jam mjekuar çdo ditë në Spitalin e Traumës ku shkoj për fizioterapi, të shohim si do të shkojë operacioni tjetër”, tha Nuka para mediave ditën e sotme.
Ajo u prit në një takim nga ambasadori turk në Shqipëri, ndërkohë që theksoi se nuk ka menduar kurrë që të heqë dorë nga policia:
“Ndoshta kjo është një ngjarje që më ka bërë më të fortë, edhe pse ata që kam afër dhe që më duan më thonë mos u rikthe, kjo është e pamundur, do rikthehem edhe më mirë”.
Nuka u plagos gjatë një proteste të banorëve të Astirit në nëntor, që u zhvillua para Parlamentit.
