Pas vendimit të Gjykatës së Apelit në SHBA, e cila rrëzoi pretendimit e Shkëlzen Berishës për dëmshpërblimin në vlerën e 60 milionë dollarëve, ndaj Guy Lawson, autorit të librit “Watch Dogs” (Qentë e Luftës), i cili përshkruante tragjedinë e Gërdecit dhe tregtinë e armëve atje, ku dhe përmendte djalin e ish-kryeministrit Berisha, ka reaguar edhe ky i fundit.
Nëpërmjet një postimi në rrjetin social Facebook, Shkëlzen Berisha, i përmendur në librin e Lawson me nofkën “Sypeshkaqeni”, ka reaguar ndaj këtij vendimi, duke renditur edhe arsyet se përse e kishte hapur këtë betejë ligjore nga autorit të librit.
Në postimin e tij, Berisha thekson se trafikanti amerikan i armëve, i cili pati afera korruptive në zonën e demantimit të armëve në Gërdec, Efraim Diveroli, ka dëshmuar nën betim në gjyq, se ka gënjyer për lidhjet e tij me Shkëlzen Berishën, për arsye të interesave të tij personale.
Si pasojë, pas dëshmisë së Diverolit, Berisha sqaron se ka hapur gjyq për rrëzimin e shpifjeve të hedhura ndaj tij, si njëri prej personave të lidhur me kompaninë AEY të Diverolit që merrej me trafikimin e armëve.
“Pra ne thelb vendimi i gjykates nuk ka lidhje as me tragjedine e Gerdecit, madje as me vertetesine e atyre qe ka botuar Lawson por thjesht me faktin, qe nuk eshte provuar, se ai i ka shkruar keto shpifje, duke e ditur se kane qene te tilla ne momentin kur i ka shkruar. Avokatet e mi jane duke studiuar me kujdes vendimin per te vendosur per hapat e metejshme ligjore, te cilat do behen publik se shpejti”, shkruan Shkëlzen Berisha.
Postimi i plotë:
Te dashur miq,
Nje nga arsyet kryesore te hapjes se gjyqit ne SHBA ka qene rrezimi i shpifjeve te hedhura ndaj meje prej 10 vjetesh per gjoja lidhje me AEY.
Deklarimi nen betim i Efraim Diverolit se ai ka genjyer dhe trilluar per interesa personale, takimin tim me te, si dhe per cfaredo lloj implikim timin ne aktivitetin e kompanise se tij, rrezon vertetesine e te gjithe artikujve ne mediat nderkombetare dhe lukunise se shpifjeve qe kane shoqeruar ato ne mediat lokale prej 10 vjetesh.
Ky eshte nje lehtesim per mua, gjithashtu nje deshtim per makinerine politike te shpifjes qe I ka perdorur keto akuza si ingredient paresor per llumin e hedhur ndaj meje per plot 10 vjet.
Per te gjithe ata qe kane rene pre e makinerise se shpifjes politike, me duhet te qartesoj se, as padite e per rrjedhoje as vendimi i gjykates nuk kane asnje lidhje me tragjedine e Gerdecit. Por vetem me shpifjet qe personat e lartpermendur kane tjerrur nder vite ne media te ndryshme ndaj personit tim per gjoja lidhje dhe ndikim ne aktivtetin e AEY.
Vendimi i gjykates se Apelit ne SHBA ka mbeshtetur vendimin e shkalles se pare duke mos e gjetur fajtor Guy Laëson per dashakeqesi ne librin e tij me pretendimin se ai ka pasur arsye te besoje si te verteta shpifjet e Diverolit apo Erjon Velise pasi keto shpifje ishin botuar dhe ne media te tjera.
Pra ne thelb vendimi i gjykates nuk ka lidhje as me tragjedine e Gerdecit, madje as me vertetesine e atyre qe ka botuar Lawson por thjesht me faktin, qe nuk eshte provuar, se ai i ka shkruar keto shpifje, duke e ditur se kane qene te tilla ne momentin kur i ka shkruar.
Avokatet e mi jane duke studiuar me kujdes vendimin per te vendosur per hapat e metejshme ligjore, te cilat do behen publik se shpejti.
*Bashkangjitur deklarimini Diverolit pra gjykates se ka genjyer per lidhjen time ne aferen e AEY.
