Një ngjarje tragjike ka ndodhur ditën e sotme në qytetin e Alessandrias në rajonin e Piemontes në Itali. Ngjarja e rëndë ka ndodhur në një magazinë në ndërtim e sipër, e kompanisë së madhe amerikane “Amazon”, ku është shembur një pjesë që ishte në ndërtim dhe i ka marrë jetën një 50 vjeçari shqiptar. 50-vjeçari shqiptar ishte punonjës i një sipërmarrje në Milano.
Shqiptari është identifikuar si Flamur Alsela, me banim në komunën Chiari në provincën e Breshës e vetëm dy ditë më parë kishte festuar 50-vjetorin e lindjes.
Të plagosur kanë mbetur dhe pesë persona të tjerë, njëri prej të cilëve në gjendje të rëndë.
Magazina e Amazon, e cila ishte në fazë ndërtimi, ishte e pozicionuar në Parkun Industrial Marenga Retail Park.
