Në Sarandë, një skafist i Policisë Kufitare, ka humbur jetën mëngjesin e sotëm teksa patrullonte në Detin Jon, në rrethana ende të paqarta.
Bëhet fjalë për shtetasin Ilirjan Goga, 63 vjeç. Ai kishte dalë në det për kontrollin e kufirit, por është rikthyer në breg për shkak se nuk ishte ndjerë mirë nga ana shëndetësore.
Në këtë situatë, ai është nisur me urgjencë në drejtim të spitalit të Sarandës, por ka mbërritur i vdekur.
Pritet ekspertiza për të përcaktuar qartë rrethanat e vdekjes.
