Një skenë e rëndë dhune është regjistruar mëngjesin e sotëm në Francavilla al Mare, provincë e Chietit në Itali.
Një 28-vjeçar shqiptar i ka ngulur 12 herë thikën një 33-vjeçareje moldave, shkruan “Il giornale”.
Sipas karabinierëve që ndërtuan skenën e krimit, shqiptari ka kryer aktin e rëndë, pas refuzimeve të njëpasnjëshme të moldaves, për të hapur derën.
Në këtë moment ai ka kapërcyer gardhin e brendshëm të banesës dhe më pas i është lëshuar me një furi të jashtëzakonshme 33-vjeçares, duke e goditur 12 herë në gjoks.
E reja ka shpëtuar nga duart e shqiptarit vetëm falë qenit të prindërve të saj, i cili ka kafshuar 28-vjeçarin në kokë dhe në duar.
Më pas moldavja është transportuar në spital, ku iu nënshtrua disa ndërhyrjeve kirurgjikale dhe ndodhet gjendje të rëndë për jetën.
Karabinierët ndërkohë kanë arrestuar shqiptarin, i cili pasi kreu krimin tentoi të arratisej.
Ai do të përballet në gjyq me akuzën e tentativës së vrasjes.
