Komiteti Teknik i Ekspertëve është mbledhur ditën e sotme, dhe ka njoftuar disa ndryshime në lidhje me situatën e Covid-19 në vend.
Ndër ndryshimet e njoftuara është heqja e orës policore, një vendim që nga opinioni publik konsiderohet si i vonuar.
Komiteti Teknik i Ekspertëve vendosi që të heqë masën policore e cila ndalonte qarkullimin e qytetarëve nga ora 23:00 deri në orën 06:00 të mëngjesit me përjashtim të rasteve emergjente.
“Nga këto informacione, kuptohet që kemi situatë më të favorshme epidemiologjike edhe se 1 javë më parë. Niveli i masave që kërkon kjo situatë vazhdon të mbetet i tillë. Ata që janë të infektuar me COVID do të qëndrojnë të izoluar për 5 ditë duke hequr periudhën 10 ditore që ka qenë më parë. Vaksinimi është i këshillueshëm të fillojë që nga mosha 12 vjeç për të gjithë fëmijët jo vetëm për ata me sëmundje bashkëshoqëruese. Për ata që do hyjnë në Shqipëri duhet pasaporta e vaksinimit apo testi PCR. Për ata që nuk i kanë mbetet në fuqi izolimi siç është rekomanduar. Përjashtim bëjnë fëmijët deri në 6 vjeç. Në aeroporte do lejohen të hyjnë vetëm pasagjerët që do udhëtojnë. Vijon të mbetet në fuqi rekomandimi për mbajtjen e maskës në ambiente e mbyllura. Mbetet në fuqi masa për grumbullimet. Gjithashtu mbetet në fuqi edhe lejimi për grumbullimin deri në 50% të kapacitetit të ambienteve. Hiqet ora policore, por ndryshimi i këtyre masave do shkojë në përputhje me situatën epidemiologjike. Që ko situatë të jetë e tillë dhe të ndalim qarkullimin e virusit si dhe mutacionet e tij duhet të vazhdojmë me intensitet procesin e vaksinimit. Të fillojmë që në moshën 12 vjeçare të vaksinohen. Ky ndryshim fillon me datë tre mars”, u shpreh kryetarja e Komitetit Teknik të Ekspertëve.
