Pas dorëheqjes së Blerina Balës, Këshilli Bashkiak i Himarës ka zgjedhur kryebashkiakun e ri të komanduar. Arqile Bollano u zgjodh me 12 vota pro, ndërkohë që këshilltarët e opozitës nuk morën pjesë në votim. Pervin Gjikuria i cili kishte shprehur interesin më herët, u tërhoq nga gara. Tashmë nuk dihet nëse kryetari i ri i zgjedhur do ta përballojë presionin e oligarkëve të qeverisë të cilët detyruan paraardhësen e tij të dorëhiqet.
Dorëheqja e Blerina Balës
Vetëm 2 muaj në krye të Bashkisë Himarë, Blerina Bala hoqi dorë nga detyra si kryetare e komanduar e kësaj Bashkie. Në një letër të gjatë drejtuar Këshillit Bashkiak Bala pretendon se shkak për dorëheqjen janë çështjet personale, duke u treguar diskrete në detaje.
E vërteta e dorëheqjes së saj është një dokument, në të cilin bëhet me dije se dy ditë më parë ajo ka dhënë një urdhër për pezullimin e punimeve të subjekteve që janë pajisur me leje ndërtimi nga Bashkia Himarë në zonën turistike të kësaj bashkie për periudhën 03.06.2024 deri në 30.09.2024.
Në dokument thuhet gjithashtu se ky urdhër bëhet me qëllim sigurimin e një sezoni të qëndrueshëm, krijimin e një mjedisi miqësor për pushuesit vendas dhe të huaj, duke eliminuar zhurmat dhe ndotjet që vijnë si rezultat i ndërtimeve.
Diktatura oligarkike vazhdon. Mesa duket propozimi i Balajt për pezullimin e punimeve nuk i ka pëlqyer “x-ave” sekretë të Qeverisë dhe ka detyruar kryebashkiaken Bala të largohet duke e shpallur vendimin si dorëheqje.
Lexo edhe:
Kolaps në Himarë/Pas furtunës së Belerit në Greqi, oligarkët e Ramës largojnë Balajn
