Në Shqipëri ka filluar prej dy javësh procesi i vaksinimit ndaj COVID-19. Në 11 janaar ishte mjekja Najada Çomo ajo që mori e para vaksinën dhe pas saj në radhë ishte kreministri Edi Rama.
Asnjë e dhënë nuk u bë publike për origjinën e vaksinës dhe lajmërimi për ardhjen e saj u bë vetëm një ditë më parë në Facebook-un e kryeministrit. Ndërkohë, më parë ishte vetë Rama që kishte konfirmuar se vaksinat do të vinin vetëm në javën e tretë të janarit.
Mbërritja e vaksinave në vendin tonë u bë në një moment kur qeverisë i kishte plasur skandali për darkën në Dubai me oligarkun Samir Mane. Si për të lënë në hije këtë ngjarje të bujshme, u njoftua papritur se në Shqipëri do të niste procesi i vaksinimit.
U zbulua vetëm më vonë nga mediat se ishte Gjermania shteti që i kishte dhuruar Shqipërisë 975 dozat e para të vaksinës që ishte prodhur nga kompania Pfizer/BionTech. Vetë Ambasada Gjermane as nuk e pranoi e as e mohoi lajmin por në një postim tha se kishte mungesë informacioni.
Kryeministri Rama në shkelje me ligjin solli në Shqipëri një vaksinë origjina e së cilës ende nuk dihet. Në Kushtetutën e Shqipërisë, në ligjin Nr.118/ 2014 garantohet qartë e drejta e qytetarëve për informim.
Neni 3
E drejta e informimit
- Çdo person gëzon të drejtën e njohjes me informacionin publik, pa u detyruar të shpjegojë motivet.
- Autoriteti publik është i detyruar të informojë kërkuesin nëse ka ose jo në zotërim informacionin e kërkuar.
- Çdo person ka të drejtë të njihet me informacionin publik, nëpërmjet dokumentit origjinal ose duke marrë një kopje të tij në formën ose formatin që mundëson akses të plotë në përmbajtjen e dokumentit.
- Informacioni publik që i është dhënë një personi, nuk mund t’i refuzohet asnjë personi tjetër që e kërkon atë, me përjashtim të rastit kur informacioni përmban të dhëna personale të subjektit, në përputhje me nenin 17 të këtij ligji.
Në nenin 7 të këtij ligji bëhen të qarta edhe kategoritë e informacionit që bëhet publik pa kërkesë dhe në pikën “f” thuhet se një kategori e informacionit të detyruar për t’u bërë publik janë edhe shërbimet që i jepen publikut:
- f) informacion për shërbimet që autoriteti publik i jep publikut, përfshirë standardet për cilësinë e shërbimit.
Kryeministri Rama edhe njëherë luajti me shëndetin e qytetarëve për të mbuluar sklandalet që i dalin në dritë qeverisë së tij ditë pas dite. Por deri kur do të vazhdojë kjo?
Shqipëria nuk u tregua e zonja për të siguruar dozate e nevojshme për vaksinimin e qytetarëve, pavarësisht aftësisë së jashtëzakonshme për lypje të kryeministrit. Ende në pritje të mëshirës së vendeve të tyjera, qytetarët vazhdojnë të mos jenë të sigurt dhe të mashtruar.
