Situata përpara Teatrit Kombëtar është tensionuar. Efektivët e policisë janë përplasur me qytetarët, pasi këta të fundit dyshohet se kanë hedhur kapsolla për të larguar policinë.
Në mbështetje të qytetarëve janë edhe deputetë të opozitës, por edhe vetë kreu i PD, Lulzim Basha.
Qytetarët protestues dhe aktorët kanë hyrë nga dritaret e godinës, për të mos lejuar policinë të largojnë materialet e Teatrit Kombëtar dhe aq më pak lejimin e shembjes së tij.
Ndërkohë në këto momente, presidenti Ilir Meta sapo depozitoi në Gjykatën Kushtetuese kërkesën për të mos lejuar shembjen e teatrit. Meta gjithashtu ka dalë para gazetarëve, ku u është përgjigjur pyetjeve të tyre lidhur me këtë kërkesë të sapodepozituar.
