Sot po zhvillohet mbledhja e Komisionit Hetimor për Sterilizimin, ku kryetarja Albana Vokshi ka njoftuar se tre shtetas italianë, Umbro Staccini, Elisabetta Anzanello dhe Giorgio Tardioli, kanë refuzuar të marrin pjesë në komision.
Vokshi theksoi se dëshmia e tyre është kyçe, pasi ata kanë përfituar miliona euro nga taksapaguesit shqiptarë, dhe është e domosdoshme që të japin shpjegime për këtë çështje në komision.
Tre shtetasit italianë refuzuan të merrnin pjesë në mbledhjen e komisionit.
Të premten thanë se ishin në Rumani, sot ishte hera e tretë që thirreshin, njoftohemi se për shkak të angazhimeve personale e kanë objektivisht të pamundur të organizojnë udhëtimin drejt Shqipërisë dhe të jenë prezent në këtë komision.
Dëshmia e tyre është kyçe. Disa prej tyre kanë marrë miliona lekë me konsulencë private nga koncesioni, kanë kompani nënkontraktuese, marrin paratë tona nga të gjitha anët, e konsiderojmë të domosdoshme thirrje e tyre pranë komisionit.
Dëshmitarët po avullojnë, tha Vokshi.
