Kamerat e një biznesi para pallatit të biznesmenit Andon Dhima kanë identifikuar qartë fytyra e katër autorëve të dyshuar të atentatit. Njëri prej të pandehurve është Albin Hoxha, 35 vjeç, ish ushtar komando në repartin e Zall-Herrit.
Albin Hoxha, ka qenë në detyrë gjatë viteve 2006-2007 në këtë repart special, ku ka mësuar përdorimin e armëve. Policia dhe prokuroria e Tiranës kanë gjurmuar nëpërmjet kamerave të bizneseve dhe pallateve të gjithë intinerarin e 4 personave që kishin marrë pjesë në tentativën e vrasjes së biznesmenit Andon Dhima.
Motra e Mario Matohitit, Gerta Matohiti është pronare e restorant “Vila e Peshkut”, pranë pallatit ku banon dhe Albin Hoxha, prapa godinës së ambasadës Gjermane në Tiranë. Ajo pretendon se vëllai dhe burri kanë qenë në atë kohë në lokal. Albin Hoxha dhe Mariglen Matohiti janë zbuluar pikërisht nga kamera në hyrjen kryesorë të pallatit të cilët janë kapur teksa hyjnë në pallat dhe më pas janë filmuar sërish teksa dalin, por këtë herë jo me maska plastike dhe kapele. Ky ishte gabimi që i zbuloi para hetuesve.
Sipas policisë, Albin Hoxha dhe Grid Lenon ishin në rolin e ekzekutorit, ndërsa Enea Hoxha dhe Mario Matohiti, në rolin e vëzhguesit.
/GazetaReforma.com/
