Administratorja dhe mjeku i një azili të moshuarish në Tiranë janë nën hetim nga Prokuroria, pasi dyshohet se nuk i kanë ofruar ndihmën e nevojshme një banori të qendrës.
Sipas policisë, vajza e një të moshuari ka denoncuar se dy shtetasit nuk i kanë ofruar kujdesin e nevojshëm pasi ai kishte pësuar një dëmtim në këmbë.
Njoftimi i policisë:
Specialistët për Hetimin e Krimeve të Komisariatit të Policisë Nr. 6 referuan materialet në Prokurori, ku nisi procedimi në gjendje të lirë për shtetasit F. M., 56 vjeçe dhe K. M., 33 vjeç, përkatësisht administratore dhe mjek në një qendër për të moshuarit, pasi ka kallëzuar vajza e një prej banoreve të kësaj qendre, se këta shtetas nuk i kanë dhënë ndihmën e nevojshme nënës së saj, për një dëmtim aksidental, në këmbë.
