Ditën e sotme Apeli i GJKKO vendosi gjatë seancës së sotme të lërë në burg Fredi Belerin. Theksojmë që kjo është hera e gjashtë që Beleri kërkon masë më të lehtë sigurie, teksa në të gjitha rastet kërkesa e tij është rrëzuar nga drejtësia.
Kryebashkiaku i zgjedhur i bashkisë Himarë mbahet në burg që prej 12 majit të këtij viti pasi u arrestua për blerjen e votave në prag të zgjedhjeve lokale të 14 Majit.
Prokuroria e akuzon fituesin e zgjedhjeve në Himarë se u ka dhënë 40 mijë lekë të reja 8 qytetarëve për te votuar në favor të tij gjatë zgjedhjeve lokale.
Ndërkohë që Beleri është kthyer në një “mollë sherri” midis Greqisë dhe Shqipërisë.
Pala greke vazhdimisht ka bërë presion madje edhe ka kërcënuar vendin tonë duke kërkuar që Fredi Beleri të lirohet. Sipas tyre ai po mbahet në burg politikisht.
