Kreu i grupit parlamentar të Partisë Demokratike, Gazment Bardhi ka reaguar për mediat pas senacës së sotme plenare, nga ku u vendos që Berishës t’i hiqet imunteti si deputet dhe i hapi rrugë SPAK për arrestimin e tij.
Sipas Bardhit, ishin vetëm votat e mazhorancës ato që i hoqën imunitetin Sali Berishës, duke theksuar se është një vendim politik.
Ai theksoi se Parlamenti vendos dy standarde, një për bashkëpunëtorët e Edi Ramës dhe një tjetër për kundërshtarët, duke e quajtur antikushtetues këtë vendim.
“Vendimi antikushtetues i Kuvendit ndaj Sali Berishës, miratuar vetëm me votat e Edi Ramës pa arsyetim dhe prova, është akt i mirëfilltë politik. Shpërfillja e Kushtetutës dhe ligjit në rastin konkret, është standardi më i keq i vendosur në një shoqëri demokratike. Cilido duhet të jetë i barabartë përpara ligjit, por barazia duhet të ekzistojë edhe në të drejta. Një standard për bashkëpunëtorët e Edi Ramës dhe një tjetër standard tërësisht i ndryshëm për kundërshtarët e Edi Ramës, nuk është as barazi dhe as drejtësi”, tha Bardhi.
