Qendra Evropiane për Parandalimin dhe Kontrollin e Sëmundjeve, në të dhënat e fundit të grupuara në lidhje me hepatin akut është shprehur se është vënë re një rritje e numrit të fëmijëve të infektuar.
Sipas ECDC është duke u rritur numri i rasteve me hepatit akut te fëmijët që kanë qenë të shëndetshëm paraprakisht në Zonën Ekonomike Evropiane.
Deri më 20 prill janë regjistruar 111 raste në Britani dhe deri më 27 prill, rreth 55 raste tjera janë raportuar në 12 shtetet e Zonës Ekonomike Evropiane.
Për raste të reja është raportuar edhe në Shtetet e Bashkuara, Izrael dhe Japoni. Ndërkohë të dhënat e deritanishme tregojnë se shumica prej pacientëve janë shëruar, mirëpo një numër i tyre është dashur të bëjnë transplantim të mëlçisë.
Shefja e rregullatorit evropian, Andrea Ammon, ka thënë gjatë javës se shifra e saktë mbrapa rasteve me hepatit nuk dihet ende.
Autoritetet shëndetësore kanë thënë se meqë ende nuk dihet për patogjenin, rreziku për popullsinë e fëmijëve nuk mund të vlerësohet tani për tani.
Organizata Botërore e Shëndetësisë (OBSH) ka thënë se të paktën një vdekje është raportuar në lidhje me një shpërthim misterioz të sëmundjes së mëlçisë që ka prekur fëmijët në Evropë dhe Shtetet e Bashkuara. OBSH nuk ka treguar se në cilin shtet është regjistruar vdekja.
Mjeku Vasil Llajo foli në lidhje me rrezikshmërinë e këtij virusi, simptomat dhe rrezikun e transmetimit të tij edhe në vendin tonë:
Ky hepatit misterioz i mëlçisë tek fëmijwt e zeron funksionalitetin total të saj.
Është një sindromë klinike që duhet marrë në konsideratë në kufinjtë e alertit, por gjithsesi vigjilenca ndaj këtij virusi është rritur.
Edhe në SHBA kanë nisur raste e para, kryesisht ne Alabama, dhe pritet të rriten rastet.
