Rikthehet në vëmendje ngjarja e ndodhur në maj të vitit 2017, ku nusja helmoi me fostoksinë vjehrrën e saj Lirie Lamin.
Ditën e sotme ajo ka dhënë dëshminë e saj në Prokurorinë e Krimeve të Rënda.
Nusja e familjes Lami, Marjana Cmeta është shprehur sot në Prokurori se me vjehrrën kishin shpeshherë përplasje. Ndërsa, përsa i përket bashkëshortit të saj, Oltjon Lamit ajo shprehet se nuk kishin patur probleme.
Marjana Cmeta i mbushi mendjen vjehrrës së saj që të pinte lëngun në të cilin kishte hedhur fostoksinë. Ajo i kishte thënë vjehrrës së saj se pija që i kishte përgatitur ishte lëng magjik që ja kishte sugjeruar hoxha dhe se duhet ta pinte të gjithin.
Të gjithë ngjarjen, e reja ja kishte treguar hoxhës. Marjana i kishte thënë hoxhës, se një orë pasi i dha helmin vjehrrës, e kishte gjetur të shtrirë.
Ngaqë nuk ishte e sigurtë se vjehrra kishte ndërruar jetë, ajo i vendos një shall në fyt për ta mbytur. Viktima kishte tentuar të hapte dritaren për të kërkuar ndihmë, por 21-vjeçarja nuk e kishte lejuar.
Përsa i përket regjistrimit që i ka dorëzuar hoxhës, Marjana tha se kur ka lexuar ato fjalë i janë dukur si fjalët e dikujt tjetër. Përgjegjës për situatën, ajo bëri hoxhën dhe të afërmit e Oltjan Lamit. Ajo nuk pranoi vrasjen, por tha se ditën kur ndodhi ngjarja kishte pasur përleshje fizike me vjehrrën.
Gjithashtu në USB-në e Marjanës është marrë një provë e re, një film me titull “Vrasja e magjistarit”, për të cilin e reja thotë se ja ka futur bashkëshorti.
