Gjendja shëndetësore e 7-vjeçares nga Vau i Dejës mbetet e rëndë, pasi dyshohet se është helmuar nga ilaçi i brejtësve në një magazinë pranë shtëpisë së saj.
Po për të njëjtën arsye, mendohet se ka humbur jetën edhe vëllai i saj 4-vjeçar më 22 shkurt.
Burime nga shërbimi i pediatrisë në QSUT bëjnë të ditur se pas 72 orëve të vështira, e mitura vazhdon të qëndrojë në terapi intensive.
Ndërkohë, drejtues të spitalit të Shkodrës kanë ndarë informacion për përpjekjet e mjekëve për të shpëtuar 3-vjeçarin dhe dërgimin e urgjencës të motrës drejt Tiranës.
Familjarët kanë qëndruar të rezervuar për ngjarjen, ndërsa policia po pret rezultatet e analizave toksikologjike.
Sipas shenjave të pacientëve dhe informacioneve nga familjarët, dyshohet se fëmijët janë intoksikuar nga ilaçi i brejtësve që prindërit kishin përdorur për spërkatjen e një magazinë pranë shtëpisë.
