Kryetari i Komunës së Deçanit, Bashkim Ramosaj ka dhënë detaje në lidhje me helmimin masiv nga uji, teksa ka folur në një deklaratë për mediat. Ramosaj ka bërë me dije se rastet e para të helmimit janë shfaqur në 10-ditëshin e parë të muajit qershor në banorët e fshatit Krushvec të Pejës, që furnizohet me ujë që është nën menaxhimin e “Hidrodrinit”.
Ai tha se ky rast ka qenë i izoluar dhe pas analziës nuk pati shqetësime të tjera, por ngjarja u përsërt sërish në korrik. Kjo bën që analizat të jenë më të thella dhe të shihet nëse problem është apo jo nga uji. Megjithatë, Ramosaj tha se edhe dyshimet meritojnë të sqarohen deri në fund për një jetesë të qetë në shtetin e Kosovës.
“Qytetarët kanë të drejtë të dinë pse ka ndodhur kjo. Ne kemi pas në 10 ditëshin e parë të muajit qershor me banorët e fshatit Krushevc të Pejës që furnizohet me ujë që është nën menaxhimin e “Hidrodrinit”. Ky rast ka qenë i izoluar sepse pas kësaj analize nuk pat më shqetësime dhe ndodhi që në muajin korrik të përsëritet e njejta por në përmasa më të mëdha, kjo na bënë që këto analiza të jenë më të thella dhe të dihet se a është për ujë. Ne asnjë herë nuk kemi vendos në shënjestër dikë. Qoftë edhe teoritë konsiprative që janë ngrit të shkohet deri në fund, sepse meritojmë të jetojmë të qetë në këtë shtet”, tha Ramosaj.
