Pas marrjes së këshillave nga specialistë të ndryshëm, Real Madrid ka bindur Eden Hazard të shmangë ndërhyrjen në kyçin e këmbës, pas dëmtimit të tij të fundit. Reprezentuesi belg beson se të gjitha çështjet e tij të fundit të dëmtimit kanë qenë si rezultat i kyçit të këmbës së tij të operuar, e cila ende po e shqetëson atë një vit pas operacionit në Dallas.
Hazard nuk ndihet rehat për shkak të kondicionimit të tij dhe dëmtimeve të vazhdueshme të muskujve, por Real Madrid i kërkoi atij që të ishte i durueshëm dhe të merrte kohën e tij për tu rikuperuar plotësisht. Ndërkohë, kreu i stafit mjekësor të ekipit kombëtar belg, Kris Van Crombrugge, shpjegoi këtë javë se një operacion i ri do të ishte një vendim i mirë për lojtarin në mënyrë që të shmangte humbjen në Kampionatin Evropian të kësaj vere.
“Operacioni mund të jetë një mundësi e mirë për të rivendosur fleksibilitetin në kyçin e këmbës”, tha Van Crombrugge. Por, pa dashur të përfshihem, unë do të këshilloja që kjo të bëhej sa më shpejt të ishte e mundur në mënyrë që të mos i pengohej ëndrra e tij për të luajtur në Kampionatin Evropian.”
Real Madrid beson se është e rëndësishme që Hazard të rikuperohet si në gjendje fizike ashtu edhe mendërisht nga situata e vështirë që ka përjetuar vitin e fundit. Ata nuk kanë vendosur ndonjë afat për kthimin e tij në veprim, i cili do të varet vetëm nga fakti nëse lojtari ndihet i sigurt për të dalë përsëri në fushë.
Hazard, i cili ka marrë pjesë në vetëm 14 ndeshje këtë sezon, nuk është i gatshëm të shpejtojë rikthimin e tij pasi pësoi disa pengesa të dëmtimit të muskujve në 2020/21.
