Pak ditë më parë kryeministri i Kosovës, Ramush Haradinaj dha dorëheqjen nga posti i tij. Dorëheqja e tij, sipas edhe delaratës që ai dha para mediave, është e parevokueshme.
Haradinaj është thirrur në Gjykatën Speciale të Hagës, për t’u marrë në pyetje si i dyshuar për krimet e luftës.
Sot Haradinaj do të niset drejt Holandës për në Hagë. Pak minuta më parë, këshilltarja e tij ka reaguar në një status në rrjetin social Facebooj, ku shkruan se Ramushi qëndroi stoik ndaj ndarjes së Kosovës, apo edhe për taksën ndaj Serbisë.
Së shpejti Kosova zhvillon zgjedhje të parakohshme parlamentare, që pritet të zhvillohen më 8 shtator. Fushata elektorale tashmë ka nisur.
Meliza Haradinaj thotë se Ramush Haradinaj u acarua kur ia përmendën ndarjen e Kosovës, e ja ngulën thikat ata që nuk e priste.
“Kryeministër,
Të pashë teksa u acarove kur ta përmendën për herë të parë në zyrën tënde ndarjen e Kosovës;
Të pashë teksa ia the troq, tejskajshmërisht i irrituar, atij që për herë të parë ta përmendi ndarjen dhe shkëmbimin e territoreve – që nuk është më i mirëseardhur në zyrën tënde;
T’a njoha dhimbjen kur ishe i vetëm në luftën për mosdorëzimin e sovranitetit të Kosovës te Serbia;
Isha aty kur iu the të gjithëve që për Ushtrinë e Kosovës nuk do të vendoset në tavolinën dialoguese me Serbinë, as për Trepçën, as për tregun e Kosovës;
Të pashë kur t’i ngulën ‘thikat në shpinë’ ata prej të cilëve nuk e prisje, por nuk tu tremb syri as goja për t’i përballë me të vërtetën.
Çfarëdo të jetë epilogu i shkuarjes sate të sotme në Hagë, prapa na ke, si ushtarë politikë, luftëtarë të paqes, në rresht, duke shtyer përpara kauzën tënde për t’a bërë Kosovën ashtu siç na e lanë amanet të parët tanë. Për Kosovën shtet – të pandashëm, unik, që qëndron e fortë vertikalisht në këmbët e saj.
Na e the sot, që vetëm ata që qëndrojnë stoik për shtet e popull, do të dalin fitues! Kosova jonë e ka fitoren në derë!
Faleminderit dhe Mirupafshim së shpejti në Kosovë, Kryeministër!” shkruan Meliza Haradinaj-Stublla.
