Kreu i Komisionit Qendror të Zgjedhjeve, Ilirjan Celibashi ka folur në deklaratën për mediat në lidhje me akuzat që PD ka ngritur për hapjen e kutive fillimisht në bastione të Partisë Socialiste. Celibashi e mohoi diçka të tillë duke thënë se KQZ ka respektuar rregullat dhe ligjin dhe kjo është kategorike kështu. Ai ka bërë me dije se procesi i numërimit është ecur ngadalë , përfshirë këtu edhe Tiranën. Vonesat nuk kanë ardhur për mungesë të komisionerëve, por ka ardhur për kfaktin se ata kanë marrë disa orë pushim.
“Nga verifikimi që ka bërë KQZ të këtij shqetësimi, në mënyrë kategorike nuk rezulton që numërimi, hapja e tyre, të jetë bërë në mënyrë preferenciale. Nga ajo që ka bërë KQZ, janë respektuar rregullat sipas ligjit. Kjo është kategorike kështu! Të gjitha këto që janë nën 3-% ku përfshihet edhe Tirana janë KZAZ ku numërimi është duke ecur ngadalë. Në disa prej tyre nuk është se ka pasur mungesë të komisionerëve. Kanë bërë edhe pushim 2-3 orë. Sepse është normale. Lodhja fizike ka bërë të vetën. Kanë marrë pushim. Edhe në ato raste kur prezenca ka qenë ka pasur ngadalësi. Se sa është për ndikimin nga jashtë apo për shkak të lodhjes, këtë se them dot.”, tha Celibashi.
