Partia Demokratike ka reaguar në lidhje me aeroportin e Kukësit që u inagurua ditën e sotme. Në një qëndrim në Facebook, PD thotë se hapja e aeroportit të Kukësit për fluturime ndërkombëtare është një tjetër premtim i pambajtur i Ramës. PD ka thënë se ulja e avionit të Air Albania në Kukës, nuk u bë nga Londra, siç Rama kishte premtuar, por u bë nga Rinasi. Kjo sepse aeroporti i Kukësit nuk nuk ka certifikata sigurie.
Me Ramën në krye të qeverisë, fluturimet ndërkombëtare në Aeroportin e Kukësit janë si hapja e negociatave me BE: Ato nuk ekzistojnë., shkruan PD.
Reagimi i plotë i PD:
Deklaratë e Partisë Demokratike
Hapja e aeroportit të Kukësit për fluturime ndërkombëtare, premtim tjetër i pambajtur i Edi Ramës. Ulja e një avioni të Air Albania në Kukës s’u bë nga Londra, siç premtoi Rama, por nga Rinasi, sepse aeroporti s’ka certifikata sigurie.
Me Ramën në krye të qeverisë, fluturimet ndërkombëtare në Aeroportin e Kukësit janë si hapja e negociatave me BE: Ato nuk ekzistojnë. Ky është eksperimenti i fundit që Rama bën me shqiptarët. Kryeministri më i dështuar dhe më i paaftë në historinë e vendit do të largohet në 25 prill nga shqiptarët që duan ndryshim!
