Në këto ditë të vështira lufte për Ukrainën, Polonia ka treguar bujarinë e saj duke iu hapur derën 100.000 refugjatëve ukrainas.
Bëhete ditur nga qeveria polake se rreth 100.000 refugjatë ukrainës që kanë ikur nga vendi i tyre për shkak të sulmeve ruse, kanë mbërritur në vendin fqinj që nga fillimi i pushtimit rus.
”Për shkak të bllokimeve të gjata të trafikut në anën ukrainase, Polonia ka vendosur gjithashtu të hapë të gjitha pikat kufitare për këmbësorët”, deklaroi zëvendësministri i Brendshëm Pavel Szefernaker në vendkalimin Medyka-Shegyni.
Sipas Szefernaker, shumica e të ardhurve ishin gra dhe fëmijë, si dhe burra jashtë grupmoshës 18 deri në 60 vjeç që përballen me rekrutimin në Ukrainë.
”Trajtimi i refugjatëve nga pala ukrainase po ngadalësohej sepse lufta po shkakton prishje në sistemin operativ të përdorur nga rojet kufitare ukrainase”, tha Szefernaker. ”Polonia është në gjendje të përpunojë deri në 50 000 refugjatë nga Ukraina në kufi çdo ditë”, tha ai.
Theksojmë se Polonia ka ngritur nëntë pika pritjeje për ukrainasit që kalojnë kufirin, ku ata mund të marrin ushqim, ndihmë mjekësore dhe informacion. Polonia ka hequr dorë nga kërkesa për të karantinuar ose paraqitur një test negativ Covid-19 për njerëzit që vijnë nga Ukraina. Besohet se në Poloni jetojnë nga një deri në dy milionë ukrainas, megjithëse vetëm gjysmë milioni janë të regjistruar në shërbimet sociale polake.
