Komisioni i Ankimimeve dhe Sanksioneve po shqyrton materialet zgjedhore në Qarkun e Beratit. KAS në seancën e fundit që u zhvillua pranoi kërkesën ankimore të Lëvizjes Socialiste për Integrim, e cila kërkoi rinumërim me argumentin se janë konstatuar shkelje, duke pretenduar se ka më shumë fletë votimi se votues dhe se në disa prej tyre mungon dhe regjistri.
Pas inspektimeve të të gjitha të dhënave të nevojshme ka nisur hapja e 24 kutive të mbushura me materiale zgjedhore. Mësohet se janë ngritur 6 grupe numërimi për të inspektuar dokumentet brenda kutive të mbushura me materiale zgjedhor.
Ndërkohë procesi është shoqëruar me debate paraprake, sidomos pasi në disa prej kutive të hapura nuk është gjetur procesverbali i pjesëmarrësve në votime. Përfaqësuesi i LSI-së ka ngritur dyshime lidhur me përllogaritjen e numrit të votimeve, ndërsa anëtarët e KAS kanë shpjeguar disa nga mënyrat sesi është shënuar numri i personave që kanë marrë pjesë në procesin zgjedhor.
Debati në KAS:
Ça dmth janë hapur më parë?
Altin Kaziaj: Janë hapur nga KQZ. Mund edhe një pyetje, sekretarit të Përgjithshëm, ekziston vetëm një kopje që futet në kutinë e PEJ?
Po!
Altin Kaziaj: Lindin dyshime si është bërë llogaritja e numrit të votuesëve nga momenti që ngrihen dyshime me numrin e zgjedhësve. Kur është mbyllur valixhja është hapur në KZAZ?
Jo nuk është hapur. Mbaron procesi, përgatitet procesverbali, përgatitet raporti i mbylljes dhe si rregull duhet futur tek kutia. Në disa raste është futur në pajisjen e PEJ. Është lapsus.
Altin Kaziaj: Është qëllimshmëri, nuk mund të quhet lapsus. Ka penguar procesin e evidencave të QV përkatëse.
Është e drejta juaj ta mendoni si të doni. Por kemi dhjetra raste, kjo nuk ndryshon rezultatin dhe as raportin. Nëse duam të krijojmë dyshime për gjithçka, kjo është e drejta juaj.
Altin Kaziaj: Si qenka lapsus? Kush ka votuar në këto qendra votimi. Të thuash nuk eksiston sepse nuk gjendet tek kutia…Të jemi serioz.
Altin Kaziaj: Nuk e paragjykoj procesin por thjeshtë për saktësim. Duhet t’i shkojmë deri në fund kësaj të vërtete.
Të sqaroj diçka, nuk është e përcaktuar që raporti të futet tek materialet zgjedhore. Vetëm faqja 19 e manualit të QV thotë që duhet të futet tek kutia, prandaj ka pasur konfuzion.
Anëtari i KAS, Ledio Braho: Në momentin që numëruesit hapin kutinë, nxjerrin numrin e votuesëve. Si e kanë llogaritur numrin, kur nuk ka pasur procesverbal? Kanë dhënë numër apriori.
Elidian Salianji: Shënohet në faturën e PEJ, gjithashtu kur mbyllet kutia vendoset mbi procesverbal. Grupi i numërimit e ka marrë numrin nga procesverbali. Numri shënohet në procesverbalin 08. Merret nga raporti PEJ. Jemi këtu për të bërë kontrollin dhe të hetojmë.
Altin Kaziaj: Kjo që thoni nuk është e vërtetë. Ku e gjeni sigurinë që procesverbali nuk është futur më para në valixhe. KZAZ konstaton mungesë të tij.
Kryetari: Të gjitha këto rezervojini për t’i dhënë në fund. Mos ta tërheqim vëmendjen nga qëllimi kryesor. Për të pasur informacionin që kemi kërkuar nga kufijtë.
