Lewis Hamilton ka fituar çmimin e madh të Britanisë për të tetën herë, pas një gare që i pati të gjitha dhe dhuroi emocione të forta. Britaniku bëri një rikthim të çmendur në Silverstone pas penalitetit me 10 sekonda për një aksident me Max Verstappen e Red Bull, duke e nxjerrë jashtë garës.
Piloti i Mercedes, tani vetëm tetë pikë prapa Verstappen pas 10 garash, kaloi Charles Leclerc të Ferrarit për epërsinë me dy xhiro duke dalë në krye ndërsa një turmë me kapacitet 140,000 tifozë u ngrit për ta brohoritur atë.
Shoku i tij i skuadrës së Hamiltonit, Valtteri Bottas ishte i treti pasi iu bind urdhrave të ekipit për të lënë Hamilton duke ndjekur Leclerc në një garë që u ndalua me flamur të kuq pas përplasjes së Verstappen dhe më pas rifilloi sërish.
Fitorja ishte trofeu i 99-të i shtatë herë kampionit të botës Hamilton dhe i katërti për sezonin aktual. Ky ishte gjithashtu rezultati më i keq i mundshëm për Verstappen, i cili kishte filluar në „pole pozition“ me një epërsi prej 33 pikësh dhe duke kërkuar një fitore të katërt radhazi, por që përfundoi duarbosh dhe në spital për kontrolle, pasi makina e tij doli jashtë piste dhe u përplas me murin rrethues.
