Një ditë pasi presidenti Ilir Meta tha se do ngrejë padi në SPAK ndaj ministres së Drejtësisë dhe i kërkoi asaj të dorëhiqet, ka ardhur edhe reagimi i kryetares së LSI, Monika Kryemadhi.
Në një takim me strukturat në Shkodër, Kryemadhi, teksa konfirmoi lidhjen familjare mes presidentit Meta dhe Gjonajt, nuk e ka kursyer ministren duke e quajtur “halabake rrugësh”.
Më tej, ajo tha se ‘ministrja bukuroshe’ ende nuk ka kthyer asnjë përgjigje në lidhje me falsifikimet e protokollit.
“Sot e kësaj dite akoma nuk kemi një përgjigje nga ministrja jonë bukuroshe që sa për dijeni të shqiptarëve ka lidhje familjare me presidentin e Republikës. Akoma s’ka kthyer përgjigje se pse ka falsifikuar protokollin e ministrisë. Ministrja që ka vjedhur protokollin, ka vjedhur edhe pronat e shqiptarëve. Një halabake rruge merr guximin të falsifikojë protokollin e shtetit. Strukturat e drejtësisë le të vendosë për të.“-tha Kryemadhi.
Po ashtu, kreu i LSI sulmoi edhe Arta Vorpsin, e cila u bë shkaku i përplasjes mes Kryeministrisë dhe Presidencës, për shkak të emërimit paralel me Marsida Xhaferllarin.
“Se di si do të funksionojë Gjykata Kushtetuese, kur Arta Vorpsi është një ngelëse. Për mua moralisht Arta Vorpsi është një ngelëse ku çdo gjimnazisti s’i jepet diploma se ka ngelur në provim.”, tha Kryemadhi.
