Ditën e djeshme hakerat nxorrën ‘sheshit’ të gjitha hyrjet dhe daljet e kryeministrit Edi Rama, i cili ka udhëtuar vetëm përmes aeroportit të Rinasit.
Këto të dhëna të publikuara për lëvizjet e kryeministrit Edi Rama me avion kanë konfirmuar të vërtetën tronditëse.
Tashmë u zbulua se kryeministri i vendit më të varfër në Europë lëviz me një avion personal sa herë të ketë dëshirë, dhe jo vetëm kaq por gjithashtu nga të dhënat u kuptua se Rama kalon një kohë të konsiderueshme në “ajër”.
Të dhënat tregojnë se që nga viti 2013, kur mori pushtetin, Rama kreu mbi 130 fluturime luksi me paratë e shqiptarëve.
Kur sapo kishte ardhur në pushtet në vitin 2013, u tregua dorështrënguar. Kreu vetëm 1 udhëtim charter. Një vit më pas, në 2014 fluturoi me charter vetëm 7 herë. Vit pas viti, e shtoi dozën e luksit dhe kulmin e arriti në vitin 2021.
Ky lajm ka shkaktuar mjaft zemërim në opinion publik dhe jo vetëm, pasi nuk kanë munguar ironitë as nga gazetarët.
“Thonë kot që na qeveris prej 9 vjetësh. 2-3 vite paska qenë në udhëtim…,” shkruan gazetari Lutfi Dervishi.
“Njoh njerëz që edhe kur kanë vetëm 8000 lekë të vjetra në xhep, marrin taksi në vend të urbanit. Prandaj liderat që prodhon ky vend përdorin fluturime private!” ironizon gazetari Edi Oga.
