Në vetëm pak ditë, hajdutët në Kmëz kanë arritur të grabisin tre shtëpi. Në këtë fenomen, banorët ndihen të shqetësuar, teksa nuk kanë besim tek policia dhe janë detyruar të pajisen me armë dhe leva.
Duke folur për “ReportTv”, banorët thonë se bëjnë roje natën, ndërsa shprehen se ndihen të rrezikuar nga vjedhja, pasi mendojnë për familjet e tyre. Me armë dhe me leva!
Banori:
Po detyrohemi të bëjmë shërbim vetë. Kemi ruajtur vetë shtëpitë me komshinjtë, njerëzit, dy netë njëri e dy netë tjetri sepse nuk po gjejmë rehati. Çdo natë organizohemi me radhë që të mbrojmë shtëpinë dhe familjen tonë. Ka pasur raste që ka hequr gomat e makinës, bagëti, bizhuteri, flori. Para dy-tre netësh njërit erdhën ti marrin lopën, nuk arritën se doli i zoti i shtëpisë.
Sipas banorëve, në çdo rast ata njoftojnë policinë, por këto të fundit nuk marrin masa.
Kamzaliu:
Policia këtu nuk vjen asnjë rast, për të dalë, për të kaluar për patrullim natën. Shqetësuar për rendin dhe qetësinë, sepse nuk po gjejmë qetësi. Ne apelojmë më shumë që të ketë kontrolle të policisë.
Sipas qytetarëve hajdutët marrin çdo send me vlerë, ndërsa shtojnë se kanë frikë të punojnë natën pasi brengosen për fëmijët dhe gratë të cilët ndihen të pasigurtë në Kamëz.
