Para 2 ditësh kreu i PD-së Sali Berisha në konferencën e tij me gazetarët deklaroi se ka marrë njoftim nga sekretari britanik, se është shpallur “non grata” nga ky shtet.
Ndërkohë që gazetari Mentor Kikia ka reaguar pas vendimit të Britanisë së Madhe, për të shpallur non-grata ish-kryeministrin dhe ish-presidentin Sali Berisha. Në një postim në rrjetet sociale, Kikia publikon dy foto, ndërsa ka një mesazh “për ata që nuk kanë kujtesë”. Sipas tij, ne duhet ti shpallim të gjithë të këqinjtë Non-grata në Shqipëri.
Reagimi i plotë
Hajdutët e zgjedhjeve dhe Non-gratat
Sali Berisha u shpall nongrata edhe në Britani, mes të tjerash edhe “për minim demokracie e deformim vote”.
Për ata që s’kanë kujtesë, këta të rrahurit në foton e parë janë opozita e vitit 1996. Shumë deputetë të PD-së në atë kohë, fituan deri në 120% të votave pasi nga mania i mbushën kutite me më shume vota se numri i votuesve.
Për këtë, ama vetëm për këtë, Sali Berisha meritonte të shkonte në Hagen e demokracisë, jo të mos të shkojë në Angli.
Për ata që s’kanë kujtesë, në zgjedhjet e pjesshme në 2016 në Dibër, socialistet u sollën me demokracinë dhe votën njësoj si në 1996.
Nëse tani ndëshkohet një i keq duke mbështetur një më pak të keq, une them se ne duhet ti shpallim të gjithë të këqinjtë Non-grata në Shqipëri.
Pastaj, andej jashtë, në dacin ti fusin në burg, në dacin ti shpallin udhëheqës shpirtërorë, sna intereson shumë.”–
