Hajdari njofton se ka komunikuar në të njëjtën konferencë që merrte pjesë edhe Kancelarja Merkel. Deputetja e Kuvendit të Shqipërisë, Rudina Hajdari, ka marrë pjesë sot në konferencën e Komisioneve të Çështjeve për Europën, ku pati mundësinë të flasë dhe me kancelaren gjermane Angela Merkel.
Hajdari, e cila në zgjedhjet e 25 prillit do të dalë nën siglën e Nismës Thurje, i shprehu Merkelit vlerësimet për Presidencën Gjermane dhe ndihmën që i kanë dhënë Shqipërisë.
Ndër të tjera është diskutuar dhe për sfidat e Shqipërisë lidhur me integrimin në BE.
“E nderuar të merrja pjesë sot në Konferencën e Komisioneve të Çështjeve për Evropën, ku pata mundësinë të flas së bashku me Kancelaren Merkel dhe të shpreh vlerësimet e mia për sfidat e integrimit të Shqipërisë në BE. I shpreha zonjës Merkel vlerësimet për Presidencën Gjermane dhe ndihmën që i kanë dhënë pa kursim Shqipërisë”, shkruan Hajdari në rrjetet sociale.
/GazetaReforma.com/
