Ambasadori i BE në vendin tonë, Luiggi Soreca ka qenë për një vizitë në Komisionin Evropian ku edhe ka realizuar një takim të rëndësishëm me komisionarin për zgjerim të BE-së, Johannes Hahn.
Rreth këtij takimi ka reaguar vet komisionari, i cili ka thënë se tashmë forcat politike shqiptare duhet të bashkëpunojnë për të çuar përpara reformat që Shqipërisë i duhen për tu bërë pjesë e familjes së madhe, por njëkohësisht edhe për të siguruar stabilitet.
“Është mirë të flasësh me njeriun tonë, ambasadorin e BE në Shqipëri Luigi Soreca përpara raporteve për zgjerimin e BE në pranverë. Është e rëndësishme që të gjitha forcat politike në vend të punojnë së bashku për stabilitetin dhe reformat në këto javë vendimtare, në interes të qytetarëve të tyre”, shkruan Hahn.
