Ditën e sotme kryedemokrati Sali Berisha ka marrë masa pas grushtit të pësoi në protestën e 6 dhjetorit të vitit të shkuar. Mësohet se në protestën e 11 shkurtit, Berisha do të jetë i rrethuar nga një perimetër sigurie. Në planin e masave të hartuara nga grupi i sigurisë së sëlisë blu është parashikuar dhe një perimetër sigurie me shërbime.
Këta të fundit supozohet të jenë jo të dukshëm, të ‘kamufluar’ si protestues, por funksion do të kenë ruajtjen e kreut të Partisë Demokratike dhe të të gjithë personaliteteve të Opozitës.
Berisha u qëllua me grusht nga një 31-vjeçar të identifikuar si Gerti Shehu më 6 dhjetor, teksa marshonte në bulevardin “Dëshmorët e Kombit” për të marrë pjesë në protestë. 31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës si dhe u dhunua nga mbështetës e simpatizantë të PD-së. 31-vjeçari u shoqërua nga policia dhe mori mjekim në spitalin e Traumës, më pas u dërgua në qeli. Këtë ngjarje, Berisha ia faturoi kryeministrit Edi Rama, ndërsa familjarët e 31-vjeçarit deklaruan se i riu kishte probleme të shëndetit mendor.
Kujtojmë përgjigjen që duhet t’u atribuohet Delegacionit të BE-së:
“Dënojmë me forcë sulmin fizik që ndodhi sot gjatë protestës në Tiranë dhe presim që incidenti të hetohet plotësisht. Çdo sulm ndaj demonstruesve paqësorë, që ushtrojnë të drejtën e tyre demokratike të grumbullimit, dhe lirisë së shprehjes është i papranueshëm”, Delegacioni i BE-së.
