Largimi i Gruevskit nga Maqedonia ka qenë një nga skandalet që ka pushuar jo vetëm shtetin fqinj, por edhe Shqipërinë, pasi intenerari që kishte ndjekur ish-kryeministri lidhej edhe me vendin tonë.
Megjithatë për herë të parë, ish-kryeministri, Nikolla Gruevksi, në një bisedë ekskluzive për mediat vendase ka treguar sesi mundi të arratisej në Hungari, prej ku ka marrë edhe azil politik.
Sot ai gjendet në Budapest dhe ka treguar detaje qw nga kalimi në kufi me Shqipërinë e deri tek marrja e letërnjoftimit të ri në Ambasadën hungareze.
https://youtu.be/VHQjxfAMl24
Nikola Gruevski ish-Kryeministër i Maqedonisë: Nga Maqedonia u largova shumë thjesht, shkova në Shqipëri, u paraqita në ambasadën hungareze në Tiranë ku kërkova azil politik dhe nga atje shkova në Hungari, me mënyrën që e vendosën ata pas konsultimeve, për shkak se gjatë kohë kam qenë kryeministër, për shkaqe sigurie, të transportohem nga ata deri në Hungari.
Ai në këtë intervistë thotë se ka shfrytëzuar letërnjoftimin e tij, por duke mos zbuluar nëse e ka përdorur gjatë daljes nga Maqedonia, apo nëse ka pasur ndihmë gjatë arratisjes.
Nikola Gruevski ish-Kryeministër i Maqedonisë: Për këtë nuk mund t`ju jap përgjigje. Do t’ia lë autoriteteve të punojnë në këtë drejtim, për shkak se paralajmërojnë se do të zbulojnë gjithçka. Pasi arrita në Shqipëri, lëvizja ime e mëtutjeshme ka qenë me letërnjoftim.
