Një ngjarje tragjike ka ndodhur këtë të martë në fshatin Metoq, në Sarandë, ku një grua ka vrarë bashkëshortin e saj.
Sipas autoriteteve, ngjarja ka ndodhur brenda shtëpisë së çiftit dhe dyshohet të ketë qenë pas një konflikti familjar.
Shtetasja E. T., 49 vjeçe, ka goditur bashkëshortin e saj, Ll. T., 55 vjeç, me sopatë ndërsa ai po flinte.
Krimi ka ndodhur në orët e para të mëngjesit, kur, pas një përplasjeje mes tyre, gruaja e ka sulmuar bashkëshortin me mjetin e fortë.
Pas ngjarjes, autoritetet kanë shoqëruar gruan e dyshuar në Komisariatin e Sarandës për hetime të mëtejshme.
Grupi hetimor, nën drejtimin e Prokurorisë, ka nisur punën për zbardhjen e plotë të ngjarjes dhe për realizimin e procedurave ligjore.
